Elşad Hacıyev: “Qarabağdakı erməniəsilli sakinlərin təhlükəsizliyi və hüquqları diqqət mərkəzindədir”

“Azərbaycanın digər bölgələrində yaşayan vətəndaşlar kimi, Qarabağda yaşayan erməniəsilli sakinlərin də təhlükəsizliyi və hüquqlarının qorunması diqqət mərkəzində saxlanılır”.

BAKU.WS Report-a istinadən xəbər verir ki, bunu jurnalistlərə açıqlamasında Daxili İşlər Nazirliyinin (DİN) Mətbuat Xidməti İdarəsinin rəisi Elşad Hacıyev deyib.

Onun sözlərinə görə, Qarabağda yaşayan erməniəsilli sakinlər əsasən sağlamlıq məsələləri ilə bağlı müraciət edirlər: “Onlara lazımı dəstək göstərilir. Füzuli, Kəlbəcər və Ağdamda FHN tərəfindən çadırlar quraşdırılıb. Onlar gündəlik yeməklə də təmin olunurlar”.