Müxtəlif rəngli şarlar, qırmızı lentlər bağlanan traktorlar bu dəfə təsərrüfat işləri üçün deyil, gəlin karvanı üçün bəzədilib.
BAKU.WS “Sputnik Azərbaycan”a istinadən xəbər verir ki, Goranboy rayonunun Xanqərvənd kəndində keçirilən toy məclisində mexanizator həmkarları bəyi təəccübləndirmək məqsədilə belə bir addım atıblar.
Onlar bəzədilmiş traktorlarla mexanizator işləyən Tural Həsənovun toy karvanına qoşularaq, maraqlı görüntü yaradıblar.
Toyda maraqlı anlar bununla bitməyib. Belə ki, dostları daha sonra T.Həsənovu öz traktoru ilə "Bəy tərifi" mərasiminə gətiriblər. Maraqlı görüntülərlə gerçəkləşən toy məclisi uzun müddət xanqərvəndlilərin xatirələrində qalacaq.
