"Təzə Pir" məscidinin yaxınlığındakı evdə yanğın olub

Bakının Yasamal rayonu ərazisində dünən yanğın hadisəsi qeydə alınıb.

BAKU.WS-in "qaynar xətti"nə daxil olan məlumata görə, yanğın "Təzə Pir" məscidinin yaxınlığında yerləşən Əlövsət Quliyev küçəsindəki fərdi yaşayış evində baş verib.

Hadisə ilə əlaqədar əraziyə Fövqəladə Hallar Nazirliyinin 4 yanğınsöndürmə maşını cəlb olunub. Yanğınsöndürənlərin operativ müdaxiləsi nəticəsində alov qısa müddətdə lokallaşdırılaraq söndürülüb.

Hadisənin başvermə səbəbləri araşdırılır.