Sumqayıtda sakinlərin problemi həll edildi

Sumqayıtda su borusunda problem yaranıb.

Bu barədə məlumat BAKU.WS-in "qaynar xətti"nə daxil olub.

Bildirilib ki, hadisə Katej qəsəbəsi adlanan ərazidə, Xan Şuşinski küçəsi 2 ünvanında baş verib.

Vətəndaşın sözlərinə görə, 1 həftəyə yaxındır yerdən içməli su çıxır. Nəticədə ciddi su itkisi yaranır.

Məsələ ilə bağlı İri Şəhərlərin Birləşmiş Su Təchizatı Xidmətindən BAKU.WS-in sorğusuna cavab olaraq bildirilib ki, sözügedən ünvana su xəttində baş verən qəza ilə əlaqədar Sumqayıt Sukanal İdarəsinin qəza briqdası cəlb edilib. Axıntının qarşısı alınaraq xətt təmir olunub.