Şəkidə canavar kəndə hücum etdi: Sakinlər xəsarət alıb

Şəkidə canavar kəndə hücum edərək 5 nəfərə xəsarət yetirib.

BAKU.WS "Report"a istinadən xəbər verir ki, hadisə Bideyiz kəndində baş verib.

Belə ki, canavar kənd sakinləri; 5 yaşlı Z.Qurbanov, 27 yaşlı Fariz Lətifov, 27 yaşlı Nazilə Qurbanova, 49 yaşlı Sevinc Qurbanova və 52 yaşlı Gündüz Lətifovu yaralayıb.

Onlar müxtəlif dərəcəli xəsarətlərlə Şəki Rayon Mərkəzi Xəstəxanasına müraciət ediblər.