Sabiq millət vəkili VƏFAT ETDİ

Sabiq millət vəkili, milli azadlıq hərəkatının fəallarından biri, Vahid Azərbaycan Milli Birlik Partiyasının sabiq sədri Hacıbala Əzimov vəfat edib.

BAKU.WS "Yeni Sabah"a istinadən xəbər verir ki, o, tarix elmləri doktoru, professor, Lənkəran Dövlət Universitetinin yaradıcısı və ilk rektoru olub.

Qeyd edək, Hacıbala Əzimov 1938-ci il avqustun 1-də Lənkəran şəhərində doğulub. Bu dəqiqələrdə Bakı şəhərində yerləşən Təzəpir məscidində mərhumla vida mərasimi keçirilir. Onun Yasamal qəbiristanlığında dəfn olunacağı bildirilir.