Saatlıda avtomobil piyadanı vuraraq öldürüb

Saatlı rayonunda ölümlə nəticələnən yol-nəqliyyat hadisəsi baş verib.

BAKU.WS APA-ya istinadə xəbər verir ki, hadisə Sabirabad–Saatlı avtomobil yolunun Bəylik kəndindən keçən hissəsində qeydə alınıb.

Belə ki, yolu keçmək istəyən piyada – 1957-ci il təvəllüdlü Bəylik kənd sakini Əliyeva Rahilə Babaş qızı "VAZ 2107" markalı, 40-BF-564 dövlət nömrə nişanlı avtomobil tərəfindən vurulub.

Qadın hadisə yerində ölüb.

Faktla bağlı araşdırma aparılır.