Qəzaya düşən traktor aşdı, yaralılar var

Bu gün Tovuzda ağır yol qəzası baş verib.

BAKU.WS qafqazinfo-ya istinadən xəbər verir ki, Aşağı Quşçu kəndində "Hyundai" markalı yük avtomobili ilə "Belarus" markalı traktor toqquşub.

Nəticədə kənd təsərrüfatı texnikası aşıb, 2 nəfər xəsarət alıb.

Yaralılar yaxınlıqda yerləşən tibb müəssisəsinə yerləşdirilib. Vəziyyətləri orta ağırdır.

Faktla bağlı araşdırma başlanılıb.