İki vəkilin fəaliyyəti müvəqqəti dayandırıldı

2025-ci il oktyabrın 8-də Azərbaycan Vəkillər Kollegiyası (VK) Rəyasət Heyətinin növbəti iclası keçirilib.

BAKU.WS xəbər verir ki, bu barədə Vəkillər Kollegiyası məlumat yayıb.

İclasda İntizam Komissiyasının rəyləri müzakirə olunub. Rəyasət Heyətinin qərarı ilə yol verdikləri intizam pozuntularına görə iki vəkilin fəaliyyəti müəyyən müddətə dayandırılıb, dörd vəkilə xəbərdarlıq edilib və bir vəkilə isə töhmət verilib.

Sonda Kollegiyanın fəaliyyəti ilə bağlı digər cari və əhəmiyyətli məsələlər müzakirə olunub, zəruri qərarlar qəbul edilib.