Goranboyda avtomobil piyadanı vuraraq öldürüb

Goranboy rayonunda piyadanın ölümü ilə nəticələnən ağır yol-nəqliyyat hadisəsi baş verib.

BAKU.WS Oxu.Az-a istinadən xəbər verir ki, hadisə rayon ərazisində qeydə alınıb. Hərəkətdə olan minik avtomobili yolu qarşı tərəfə keçmək istəyən 1963-cü il təvəllüdlü Zaur Hüseynovu vurub.

Ağır xəsarətlər alan 63 yaşlı piyada xəstəxanaya aparılarkən yolda ölüb.

Faktla bağlı Goranboy Rayon Polis Şöbəsində cinayət işi açılıb, hadisənin başvermə səbəbləri araşdırılır.