Bakının Kənar Dairəvi yolunda aşan yük maşını tıxaca səbəb oldu

Paytaxtın Qaradağ rayonu, Kənar Dairəvi yolda avtomobil qəzası baş verib.

BAKU.WS xəbər verir ki, bu barədə Nəqliyyatı İntellektual İdarəetmə Mərkəzinin İctimaiyyətlə əlaqələr sektorunun aparıcı mütəxəssisi Ömər Xıdırov sosial şəbəkədə bildirib.

O qeyd edib ki, qəza səbəbindən Bakı-Sumqayıt şosesi istiqamətində nəqliyyat sıxlığı yaranıb.

Hazırda polis əməkdaşları tərəfindən sıxlığın aradan qaldırılması istiqamətində tədbirlər görülür.