Bakıda qadını qatar vurub ÖLDÜRDÜ

Bakı-Pirşağı-Sumqayıt istiqamətində hərəkət edən sürət qatarı adam vurub.
Bu barədə "Azərbaycan Dəmir Yolları" QSC-dən məlumat verilib.
Bildirilib ki, bu gün saat 19:18-də Bakı-Pirşağı-Sumqayıt istiqamətində hərəkət edən sürət qatarı Zabrat sahəsində hərəkətdə olarkən qatar yoluna qəfil çıxan bir qadını vurub.
Maşinist tərəfindən təcili tormozlama aparılsa da, məsafə az olduğundan hadisə qaçılmaz olub:
"Təəssüflə qeyd edirik ki, stansiya əməkdaşları tərəfindən hadisə yerinə dərhal təcili tibbi yardım briqadası çağırılsa da, həmin şəxs aldığı ağır bədən xəsarətlərindən dünyasını dəyişib.
ADY mərhumun ailəsinə dərin hüznlə başsağlığı verir və bir daha insanlara çağırış edərək onları dəmir yolu xətlərini yalnız müəyyən edilmiş yer və piyada keçidlərindən keçməyə, həyatlarını riskə atacaq hərəkətlərdən çəkinməyə çağırır. Qaydalara riayət etmək hər bir vətəndaşın borcudur və onları pozmaq inzibati məsuliyyət yaradır".
Oxşar xəbərlər
"Qumar kralı" şəkili Yusifin "sağ əli" HƏBS EDİLDİ
Kazino kralı kimi tanınan şəkili Yusifin "sağ əli" həbs edilib. BAKU.WS Oxu.Az-a istinadən xəbər verir ki, kazino kralının yardımçısı, "Əhmədli Pərviz" kimi tan...
