Bakıda əməliyyat keçirilib, altı kiloqram narkotik aşkarlanıb

Nəsimi Rayon Polis İdarəsinin əməkdaşları əməliyyat keçirib, altı kiloqram narkotik aşkarlanıb.

Bu barədə BAKU.WS-ə Daxili İşlər Nazirliyinin mətbuat xidmətindən məlumat verilib.

Bildirilib ki, 2025-ci ilin ilk günlərində həyata keçirilən əməliyyat nəticəsində narkotik vasitələrin qanunsuz dövriyyəsini təşkil edən əvvəllər məhkum olunmuş 49 yaşlı Zaur Əzizov saxlanılıb. Ondan iki kiloqramdan artıq yüksək təsiredici xassəyə malik narkotik vasitə olan həşiş qətranı və dörd kiloqrama yaxın marixuana aşkarlanıb.

Saxlanılan şəxs ifadəsində narkotikləri şəxsiyyəti istintaqla araşdırılan İran vətəndaşından satış məqsədi ilə əldə etdiyini bildirib. Faktla bağlı cinayət işi başlanılıb, Z.Əzizov barəsində məhkəmənin qərarı ilə həbs qətimkan tədbiri seçilib.