Bakı-Şamaxı yolunda sürücüdən təhlükəli MANEVRLƏR

Bakı-Şamaxı yolunda təhlükəli manevrlər edən sürücü sosial şəbəkələrdə ciddi müzakirələrə səbəb olub.

BAKU.WS xəbər verir ki, 99-HP-119 dövlət nömrə nişanlı "Khazar" markalı avtomobil qəza şəraiti yaradaraq yol hərəkəti qaydalarını kobud şəkildə pozub.

Paylaşılan videoda avtomobilin sükanı arxasında olan şəxsin BDYPİ-nin Müşfiqabad postunu ziqzaq hərəkətlərlə keçdiyi, postdan sonrakı piyada keçidində isə piyadalara yol verən maşına çırpılmaqdan son anda yayındığı əks olunub.

Sürücü avtomobilini bu cür idarə etməklə həm qaydaları pozub, həm də digər hərəkət iştirakçılarının həyatını təhlükəyə atıb.