Avtobusdan düşən 57 yaşlı qadını maşın vurub öldürdü

Lənkəran rayonunda ölümlə nəticələnən yol-nəqliyyat hadisəsi baş verib.

BAKU.WS Oxu.Az-a istinadən xəbər verir ki, hadisə rayonun Girdəni kəndi ərazisində qeydə alınıb.

"Mercedes-Benz" markalı avtomobil idarəetməni itirərək sərnişin avtobusundan düşüb yolu piyada keçmək istəyən rayon sakini, 1968-ci il təvəllüdlü Ruhəngiz Ağahəsən qızı Babayevanı vurub.

R.Babayeva xəstəxanaya aparılarkən yolda dünyasını dəyişib.

Faktla bağlı araşdırma aparılır.