SİZİN REKLAM BURADA!
055 213 76 73
“Bakı Gəmiqayırma Zavodu” MMC (BGZ) son günlər bəzi elektron media resursları və sosial şəbəkələrdə yayılan fotoşəkillə bağlı məlumat yayıb.
BAKU.WS xəbər verir ki, məlumatda deyilir:
"Təəssüf hissi ilə bildiririk ki, əməkdaşlarımız tərəfindən zavodun adı qeyd edilən lövhədə bəzi hərflərin təmir məqsədilə çıxarılan zaman aşağıda adları qeyd edilmiş şəxslər tərəfindən çəkilmiş fotoşəkil belə böyük bir rezonansa səbəb olmuşdur. Bununla əlaqədar olaraq hadisələrin xronologiyasını Sizlərlə bölüşmək istərdik.
22 oktyabr saat 11:00 radələrində BGZ- nin əsas giriş qapısında yerləşən və zavodun adı qeyd edilən lövhənin üzərində təmizlik işləri görülərkən bəzi hərflərin rənginin solduğu, yerindən qopa biləcəyi müəyyən edilmiş və bu barədə zavodun aidiyyatı şöbəsinə məlumat verilmişdir.
Əməkdaşlarımız tərəfindən qeyd edilən lövhəyə baxış zamanı bu öz təsdiqini tapmış və hərflər bərpa edilməsi məqsədi ilə çıxarılaraq boya sahəsinə aparılmışdır. Elə həmin gün, saat 16:40 radələrində qeyd edilən təmir işləri başa çatdırılaraq hərflər yerinə bərkidilmişdir.
BGZ- də hal hazırda təmir edilən gəmilərdən birinin əməkdaşları, ikinci köməkçi Məmmədov Hikmət və bosman Babayev Elşad yuxarıda qeyd edilən vaxt əsnasında, daha dəqiq desək saat 16:13 radələrində bu lövhəni görmüş və onun fotoşəklini çəkərək digərləri ilə paylaşmışdırlar.
Məlumat üçün bildiririk ki, BGZ- nin daxili qaydalarına uyğun olaraq zavod ərazisində foto və video çəkilişləri xüsusi icazə olmadan aparıla bilməz və qəti şəkildə qadağandır. Bu birmənalı olaraq hər kəsə bildirilməklə yanaşı ərazidə xüsusi qadağa nişanları ilə də göstərilmişdir. Yuxarıda adları qeyd edilən şəxslər BGZ- nin daxili qaydalarını pozduqları üçün onların zavod ərazisinə girişi qadağan olunmuş və bu barədə onların çalışdıqları şirkətə yazılı şəkildə məlumat verilmişdir.
Sonda onu qeyd etmək istərdik ki, BGZ rəhbərliyi zavod ərazisinə daxil olan bütün əməkdaşları və qonaqları daha diqqətli olmağa, daxili qaydalara riayət etməyə və bu kimi halların təkrarlanmaması üçün daha çox səy göstərməyə çağırır.
BAKU.WS
