Azərbaycanda bu qurum 3 milyonluq texnika alacaq

Azərbaycan Dövlət Su Ehtiyatları Agentliyinin tabeliyində olan Regional Su Meliorasiya Xidməti iri texnika alışına start verib.

BAKU.WS-in əldə etdiyi məlumata görə, qurum "Təkərli ekskavator yükləyiciləri"nin satın alınması məqsədilə açıq müsabiqə elan edib.

Müsabiqənin ümumi dəyəri 3 milyon 130 min manat təşkil edir. Alınacaq texnikalar su ehtiyatlarının idarə olunması sahəsində işlərin daha müasir və effektiv şəkildə aparılmasına şərait yaradacaq.