Azərbaycana ötən il 39 milyon dollara yaxın texniki yardım və qrant ayrılıb

2024-cü ildə Azərbaycan beynəlxalq maliyyə təşkilatlarından və donor ölkələrdən ümumi məbləği 38,7 milyon ABŞ dolları ekvivalentində texniki yardım və qrant alıb.

Bu barədə Nazirlər Kabinetinin 2024-cü ildə fəaliyyəti haqqında hesabatda bildirilir.

Sənədə əsasən, bundan başqa, ölkəmiz ümumi büdcəsi 12 milyon ABŞ dolları ekvivalentində 6 regional texniki yardım layihəsinə qoşulub.