Yeqor Kridin "Lamborghini"sinə taksi çırpıldı

Yeqor Kridin Lamborghinisinə taksi çırpıldı
Foto Video
Dünya 1378

Moskvada iki premium avtomobil qəzaya uğrayıb.

BAKU.WS xəbər verir ki, bu barədə görüntülər sosial şəbəkələrdə yayılıb.

Belə ki, Miçurinski prospektində dəyəri təxminən 30 milyon rubl (təqribən 610 min AZN) olan "Ferrari" nin sürücüsü işıqforun qırmızı işığında keçmək qərarına gəlib. Maşın bu zaman "Audi" markalı avtomobilə çırpılıb və dirəyə dəyib. Sportkarın bütün ön hissəsi zədələnib. Qapılar çətinliklə açılır. Audi avtomobilinə də ciddi ziyan dəyib. Çox güman ki, avtomobili bərpa etmək mümkün olmayacaq.

Lesnaya küçəsində isə taksi sürücüsü Lamborghini Urus markalı avtomobilə çırpılıb. Daha sonra məlum olub ki, maşın yerli müğənni Yeqor Kredə məxsusdur. İdman avtomobili işıqforda dayanıb. Və bu zaman taksi sürücüsü maşının arxasına çırpılıb. Zərbə o qədər güclü olub ki, qapı deformasiyaya uğradığından sürücü maşından düşə bilməyib. Hər iki qəzada xəsarət alan olmayıb.

Son xəbərlər