Vulkan püskürməsi insan beyninə necə təsir edir?

Alimlər Herkulanum şəhərinin xarabalıqlarında tapılan insan beyninin Vezuv vulkanının püskürməsi nəticəsində şüşəyə çevrildiyini müəyyən ediblər.

BAKU.WS xarici mediaya istinadən xəbər verir ki, tədqiqatçılar bu nadir hadisənin 510 dərəcə selsiyə çatan isti kül buludu səbəbindən baş verdiyini bildirirlər. Beyin yüksək temperaturda qızıb, daha sonra sürətlə soyuyaraq şüşələşib. Bu, insan toxumalarının təbii şəkildə şüşəyə çevrildiyi yeganə məlum hadisədir.

Alimlər hesab edirlər ki, püskürmə zamanı isti kül buludu ilk olaraq havaya qalxıb və insanların çoxunun ölümünə səbəb olub. Daha sonra piroklastik axın Herkulanumu tamamilə örtüb.