Türkiyədə boykot çağırışına qoşulan məşhur aktrisa baş rolunu canlandırdığı serialdan QOVULDU

Türkiyədə Əkrəm İmamoğlunun həbsindən sonra CHP sədri Özgür Özəl "istehlakdan gələn gücdən" istifadə edəcəklərini deyərək boykot çağırışı edib. TRT 1-də yayımlanan "Teşkilat" serialının baş rol ifaçısı Aybüke Pusat da boykota dəstək verib.

BAKU.WS xəbər verir ki, gözəl aktrisa instaqram hesabında etdiyi boykot çağırışlı paylaşımı çox keçmədən silib.

Ardınca Aybüke Pusat "Teşkilat" serialından uzaqlaşdırılıb. TRT-nin baş direktoru Zahid Sobacı sosial media hesabında bu barədə açıqlama verib:

"Türkiyənin ictimai yayımçısı TRT keyfiyyətli yayımı və məzmunu ilə ölkəmizdə və dünya miqyasında yüksək qiymətləndirilən türk markasıdır. TRT-nin nüfuzunu və marka gücünü qorumaq TRT rəhbərliyinin ən mühüm vəzifələrindən biridir. Şirkətlər və ayrı-ayrı şəxslər də TRT-nin yayım prinsipini və ictimai məsuliyyətini bilirlər. TRT layihəsində iştirak edərkən bu prinsiplərə uyğun hərəkət etməlidir".

O da qeyd olunub ki, sözügedən şəxs "Teşkilat" serialının izləyicilərini məyus edən paylaşımlara görə serialdan uzaqlaşdırılıb:

"Serialın hazırkı epizodları çəkilsə də, serialın ssenarisinə yenidən baxılacaq. "Oxşar vəziyyətlər üçün lazımi addımların atılacağına heç kimin şübhəsi olmasın".