Taliban yardım üçün Tatarıstana müraciət edib

Əfqanıstanın Taliban hərəkatının nümayəndələri KazanForum iqtisadi forumu çərçivəsində Tatarıstan hakimiyyətindən Əfqanıstan sərgisi təşkil etməyi xahiş ediblər.

BAKU.WS RİA Novosti-yə istinadən xəbər verir ki, bu, Əfqanıstanın sənaye və ticarət naziri Nuriddin Əzizinin məktubunda qeyd olunub.

Əzizi Tatarıstanın rəhbəri Rüstəm Minnixanova məktubunda bunları yazıb:

"Biz yaxşı yerdə və aparıcı iş adamlarımızın məhsullarını ən yaxşı şəkildə təqdim etmək üçün sərgi pavilyonu təşkil etmək istərdik".

Əfqanıstandakı Rusiya Biznes Mərkəzinin rəhbəri Rüstəm Xabibullin təsdiqləyib ki, 60-a yaxın aparıcı əfqan iş adamı öz məhsullarını, o cümlədən zərgərlik məmulatları, qida məhsulları və tekstil, xalçalar, kosmetika və məişət kimyası məhsullarını forumda nümayiş etdirməyə hazırdır.