Su-25 hücum təyyarəsinin yaradıcısı öldü

Sovet və Rusiya aviakonstruktoru, Su-25 hücum təyyarəsinin yaradıcısı Yuri İvaşeçkin 90 yaşında vəfat edib.

BAKU.WS xəbər verir ki, bu barədə "Voyennyy osvedomitel" Telegram kanalı məlumat yayıb.

Bildirilib ki, Yuri Viktoroviç 1980-1985-ci illərdə Sukhoi Dizayn Bürosunda işləyib, burada baş konstruktor vəzifəsində çalışıb. O, Su-9, Su-15, Su-24 və Su-25 təyyarələrinin hazırlanmasında iştirak edib, 2000-ci ildə isə Sukhoi Superjet 100 sərnişin təyyarəsinin yaradılması layihəsinə rəhbərlik edib.

Yuri Viktoroviç İvaşeçkin (1933-2024) karyerası yarım əsrdən çox olan sovet və rus təyyarə konstruktoru idi.

Qeyd edilib ki, mərhun əvvəllər SSRİ Dövlət Mükafatı laureatı, Qırmızı Əmək Bayrağı və "Şərəf Nişanı" ordenləri ilə təltif edilib.