Sərnişin təyyarəsi ilə toqquşan "Blackhawk" hara uçurdu?

ABŞ-də "Reyqan" hava limanı yaxınlığında sərnişin təyyarəsi ilə toqquşan hərbi helikopter Vaşinqtondan 40 kilometr aralıda yerləşən bazadan uçurmuş.

BAKU.WS xəbər verir ki, bu barədə Pentaqonun bəyanatında deyilir.

CNN Pentaqondakı mənbəyə istinadən dəqiqləşdirib ki, helikopter ABŞ Quru Qoşunlarına məxsus olub. Söhbət "Blackhawk Sikorsky H-60" ​​təyyarəsindən gedir. Telekanal əlavə edir ki, təyyarədə üç hərbçi olub, onların heç biri yüksək səviyyəli komanda heyəti deyildi.

Jurnalistlər hərbi helikopterin təlim uçuşunda olduğunu da müəyyən ediblər. Lakin həmin anda təyyarə heyətinin hansı tapşırıqlar üzərində işlədiyi hələlik məlum deyil.

Xatırladaq ki, Yanvarın 30-da səhər saatlarında "American Airlines Bombardier CRJ700" təyyarəsi Vaşinqton hava limanı yaxınlığında Potomak çayına düşüb. Ağ Ev bildirib ki, səbəb hərbi helikopterlə toqquşma olub.

KİV-in məlumatına görə, təyyarənin göyərtəsində 60 sərnişin və 4 ekipaj üzvü olub. Xilasedicilər sağ qalan dörd nəfəri çaydan çıxara biliblər.

ABD'de başkent Washington'da bulunan Ronald Reagan Havalimanı’na inmekte olan American Airlines'a ait Bombardier CRJ700 tipi yolcu uçağı, Sikorsky H-60 Blackhawk askeri helikopter ile çarpışarak Potomac Nehri'ne düştü.

Nehirde arama - kurtarma çalışmaları devam ediyor. pic.twitter.com/utbOSKBwj3

— Globe Turk (@GlobeTurk) January 30, 2025