SAXAL: İran kəşfiyyatının iki yüksək vəzifəli nümayəndəsi öldürülüb

İsrail Müdafiə Qüvvələri (SAXAL) Tehrana endirilən dəqiq zərbələr nəticəsində İran kəşfiyyatının iki yüksək rütbəli nümayəndəsinin öldürüldüyünü açıqlayıb.

BAKU.WS xəbər verir ki, bu barədə "The Jerusalem Post" qəzeti məlumat yayıb.

Məlumata görə, İranın kəşfiyyat nazirinin "İsrail istiqaməti" üzrə müavini Seyid Yəhya Həmidi və qurumun kəşfiyyat idarəsinin rəhbəri Cəlal Fur Hüseyn zərbələr nəticəsində həyatını itirib.

İsrail tərəfi bildirir ki, sözügedən nazirlik ölkənin əsas kəşfiyyat orqanı funksiyasını yerinə yetirir.