Saratovda partlayış nəticəsində yeddi nəfər ölüb

Rusiyanın Saratov vilayətində mənzildə baş vermiş qaz partlayışı nəticəsində ölənlərin sayı yeddi nəfərə çatıb.

BAKU.WS Rusiya KİV-inə istinadən xəbər verir ki, bu barədə yerli Fövqəladə Hallar Nazirliyi məlumat yayıb.

"Xilasedicilər dağıntıların altından daha bir nəfərin meyitini aşkar ediblər. Hazırda ölənlərin ümumi sayı yeddi nəfərdir, onlardan biri uşaqdır", - məlumatda bildirilib.

Qeyd olunub ki, hazırda axtarış-xilasetmə əməliyyatı davam edir.