"Şakro Molodoy" Moskvanın bir nömrəli "qanuni oğrusu"nu statusdan saldı

Rusiyanın bir nömrəli "qanuni oğru"su sayılan "Şakro Molodoy" ləqəbli Zaxari Kalaşov ictimai şəkildə gürcüəsilli kriminal avtoritet Badri Koquaşviliyə ("Badri Kutaisi") etimadsızlığını bildirib.

BAKU.WS Oxu.az-a istinadən xəbər verir ki, bu addım faktiki olaraq "Badri Kutaisi"nin Moskvada əsas qanun oğru olmaq statusundan kənarlaşdırılması deməkdir.

Qeyd olunur ki, iki kriminal avtoritet arasında qarşıdurma 2023-cü ilin yayında, "Şakro Molodoy"un həbsxanada cəza çəkdiyi zaman başlayıb. İddialara görə, "Badri Kutaisi" "Şakro Molodoy"un vaxtından əvvəl azadlığa buraxılmasına qəsdən mane olmağa çalışıb və bu, onların arasında münasibətləri soyudub.