Rusların neçə faizi Putinə güvənir? - Açıqlandı

Rusiya əhalisinin 81%-i prezidentləri Vladimir Putinə etibar edir.

BAKU.WS xəbər verir ki, bu barədə iyunun 6-da Rusiyanın İctimai Rəy Fondunun (FOM) saytı məlumat yayıb.

Bildirilib ki, mayın 30-dan iyunun 1-dək keçirilən sorğunun nəticələrinə görə, respondentlərin 82%-i Putinin dövlət başçısı kimi yaxşı iş gördüyünə inanır.

Bundan əlavə, sorğu iştirakçılarının 56%-i hökumətin işini müsbət qiymətləndirib. Qeyd olunur ki, səsvermədə Rusiya Federasiyasının 51 subyektindən 1,5 min yetkin rusiyalı iştirak edib.