Kadırov Bodrumda boğulma təhlükəsi ilə üzləşib? - RƏSMİ AÇIQLAMA

"Çeçenistan rəhbəri Ramzan Kadırovun Bodrumda çimərlikdə xilas edilməsi ilə bağlı məlumatlara şərh verə bilməyəcəyik".

BAKU.WS xəbər verir ki, bu barədə Türkiyə Səhiyyə Nazirliyi məlumat yayıb.

"Bu məsələ ilə bağlı çoxlu xəbərlər verilib. KİV-də və sosial şəbəkələrdə təkziblər verilmir. Əslində isə Səhiyyə Nazirliyi rəsmi izahat verə bilmir", - deyə məlumatda qeyd olunur.

Bundan əvvəl "Baza" teleqram kanalı yazmışdı ki, Kadırov Bodrum şəhərində istirahət edərkən boğulma təhlükəsi ilə üzləşib.

Məlumata görə, hadisə 24 iyul tarixində günün ikinci yarısında qeydə alınıb. Kadırov dənizə girib, lakin birdən huşunu itirməyə başlayıb və suya batıb. Bunu sahil mühafizəsi əməkdaşları görüb, Kadırovu sudan çıxarıb və ona ilkin tibbi yardım göstəriblər. Bundan sonra siyasətçi özəl klinikaya aparılıb, həkimlər onun vəziyyətini stabil kimi qiymətləndiriblər.