Putin Şoyquya yeni vəzifə verdi

Rusiya Prezidenti Vladimir Putin Təhlükəsizlik Şurası yanında Elmi-Ekspert Şurasının yaradılması barədə tapşırıq verib. Bu quruma Təhlükəsizlik Şurasının katibi və Rusiya Federasiyasının keçmiş Müdafiə naziri Sergey Şoyqu rəhbərlik edəcək.

BAKU.WS globallookpress.com-a istinadən xəbər verir ki, rəsmi sərəncamda bildirilir ki, bu addım Təhlükəsizlik Şurasının və onun işçi orqanlarının fəaliyyətinin elmi-metodoloji və ekspert-analitik təminatını gücləndirmək məqsədini daşıyır:

"Rusiya Federasiyası Təhlükəsizlik Şurası yanında Elmi-Ekspert Şurası yaradılır. Bu şuraya sədr olaraq Təhlükəsizlik Şurasının katibi Sergey Şoyqu təyin olunur."

Sənəd Rusiya Federasiyasının hüquqi aktlarının rəsmi dərc olunduğu saytda yerləşdirilib. Eyni sərəncamla Təhlükəsizlik Şurası yanında əvvəl mövcud olan Elmi Şura ləğv edilib.