PUA hücumu - Kazan ətrafındakı qaz anbarında yanğın baş verib

Tatarıstanın Kazan şəhərətrafı qəsəbəsində pilotsuz təyyarənin hücumu nəticəsində qaz tankeri yanıb.

BAKU.WS xəbər verir ki, bu barədə respublika başçısının mətbuat xidməti "VKontakte" sosial şəbəkəsindəki səhifəsində məlumat yayıb.

Bildirilib ki, hadisə nəticəsində xəsarət alan olmayıb. Hadisə yerinə gələn Fövqəladə Hallar Nazirliyinin əməkdaşları hücumun nəticələrini aradan qaldırıblar.

Tatarıstanın rəhbəri Rüstəm Minnixanov əməliyyat məlumatı aldıqdan sonra hadisə yerinə gedib və hesabatları dinləyib.