Myanmada 7,7 bal gücündəki zəlzələ nəticəsində ölənlərin sayı 2900-ə yaxınlaşıb

Martın 28-də Myanmada baş verən 7,7 və 6,4 bal gücündə iki zəlzələ nəticəsində həyatını itirənlərin sayı 2900-ə yaxınlaşıb.

BAKU.WS xəbər verir ki, Myanma Dövlət İdarə Şurasının məlumat qrupu zəlzələ zamanı 4639 nəfərin yaralandığını açıqlayıb.

Qeyd olunub ki, 373 itkin düşmüş şəxsin axtarışları davam edir. Zəlzələ ilə əlaqədar Myanmada bir həftəlik matəm elan edilib.

Zəlzələ Myanma ilə yanaşı, qonşu Tailand və Çində də güclü hiss olunub. 

Qalereya