Mumyaların ölüm maskalarının sirri açıldı

Kolumbiyada tapılan minillik And Dağları mumyalarının ölüm maskalarının altında gizlənmiş üzləri ortaya çıxarıldı. Bu iş beynəlxalq alimlər qrupu tərəfindən rəqəmsal rekonstruksiya üsulu ilə həyata keçirilib.

BAKU.WS xəbər verir ki, araşdırmada And Dağları bölgəsində tapılan dörd mumyanın üz rekonstruksiyaları hazırlanıb. Mumyalardan biri 6-7 yaşlı uşaq, digərləri isə 60 yaşlı qadın və iki gənc kişi idi. Onlar məzar maskaları ilə dəfn olunmuşdular. Maskalar gil və qarğıdalı kimi materiallardan hazırlanıb.

Yüz rekonstruksiyası üçün əvvəlcə maskaların üzərindəki kəllələr 3D tomoqrafiya ilə skan edildi. Daha sonra xüsusi proqram və haptik qələmlərlə üz forması, əzələlər və dərinin konturları modelləşdirildi. Dəri rəngi, saç və göz rəngi kimi detallar da əlavə edildi.

Tədqiqatçılar bildirir ki, yara izləri, döymələr və dəqiq dəri tonu məlum deyil. Hazırlanan görüntülər orta göstəricilərə əsaslanır.

Layihə Kolumbiya arxeologiyasında önəmli hesab olunur və And sivilizasiyalarının dəfn ənənələri və kimlik anlayışı barədə yeni məlumatlar təqdim edir.