Muğlaya yaxın ərazidə 5 bal gücündə zəlzələ baş verdi

Türkiyənin Muğla bölgəsinə yaxın ərazidə zəlzələ baş verib.

BAKU.WS xəbər verir ki, Egey dənizi Krit adası sahillərində yaşanan yeraltı təkan Datça bölgəsində də hiss edilib.

Türkiyə Fövqəladə Halların İdarə Olunması Agentliyinin (AFAD) yaydığı məlumata əsasən, bu yerli vaxtla 15:26-da yaşanıb. Zəlzələ 5.39 kilometr dərinlikdə qeydə alınıb.

Həmin əraziyə yaxın bütün yerlərdə hiss edilib.

Xatırladaq ki, ötən gün Türkiyənin Aralıq dənizi sahillərində 5.8 bal gücündə zəlzələ baş verib.

Bu barədə Türkiyə Fövqəladə və Təbii Fəlakətlər İdarəsi (AFAD) məlumat yayıb.