Misirdə rus turistlər kütləvi şəkildə huşunu itirib

Misirin Makadi kurortunda rusiyalı turistlər arasında irimiqyaslı rotavirus infeksiyası baş verib.

BAKU.WS xarici mətbuata istinadən xəbər verir ki, onlarla turist gəldikdən 3-5 gün sonra şiddətli qusma, ishal və huşunu itirmə kimi ciddi simptomlar yaşayıb.

"Turistlər otellərə daxil olduqdan bir neçə gün sonra huşunu itirirlər", - deyə "Shot" teleqram kanalı yazıb.

Müəlliflər qeyd edirlər ki, yerli xəstəxanalar artıq bu simptomlarla bir neçə turist qəbul edib və onlara rotavirus diaqnozu qoyulub. İstirahətçilər bildirirlər ki, infeksiyaya səbəb oteldəki suyun keyfiyyətsizliyi ola bilər, çünki onların fikrincə, suyun qoxusu çox xoşagəlməzdir. Uşaqlarda da səpgilər əmələ gəlir.

Turistlərdən biri deyib ki, yerli həkimlər qızına səhv diaqnoz qoyublar və bu, az qala cərrahiyyə əməliyyatına gətirib çıxarıb.