Məşhur blogger dəhşətli qəzada öldü

Bir çoxlarının internetdə Annet kimi tanıdığı məşhur ukraynalı blogger Anna Juk bu gün Xarkov-Kiyev şossesində dəhşətli avtomobil qəzasında dünyasını dəyişib.

BAKU.WS xarici mətbuata istinadən xəbər verir ki, blogger Zhenya Zubun teleqram kanalında verdiyi məlumata görə, Anna ərinin idarə etdiyi avtomobilin sərnişin oturacağında olub.

İlkin məlumata görə, ötmə əməliyyatı zamanı minik avtomobili yüksək sürətlə yük maşınına çırpılıb.

Nəticədə Anna Juk yerindəcə keçinib, oğlu isə xəsarətlə xəstəxanaya aparılıb. Annanın ərinin taleyi ilə bağlı heç bir məlumat yoxdur.

Anna Jukun məşhur sosial şəbəkələrdən birində 370 mindən çox abunəçisi var idi. O, qadınların dəstəklənməsinə yönəlmiş bir sıra layihələrdə iştirak edib, ustad dərsləri və treninqlər keçirib.