Meqan Markl rəsmi olaraq soyadını dəyişdi

Sussex hersoginyası Meqan Markl soyadını dəyişdiyini açıqlayıb.

BAKU.WS xəbər verir ki, o, qızlıq soyadını "Markle" atmaq qərarına gəlib və "Sussex" soyadını alıb.

O, qərarını yeni "Love, Megan" verilişinin ikinci bölümündə amerikalı teleaparıcı Mindi Kalinqlə söhbəti zamanı açıqlayıb.

Onların söhbəti əvvəlcə Kalinqin Meqanın gəncliyini və aktrisalıq dövrünü xatırlaması ilə başlayıb.

"İnsanlar Meqan Marklın "Jack in the Box"da yemək yediyinə inanmazdılar" deyə Kaling bildirdi. Daha sonra Şahzadə Harrinin həyat yoldaşı cavab verib:

"Davamlı olaraq "Meqan Markl" deməyiniz çox gülməlidir. Bilirsiniz ki, mən indi Sasseksəm".

Maraqlıdır ki, Meqan öz soyadını dəyişmək qərarına gəlib ki, o və uşaqları eyni ada sahib olsunlar.