Kanadadan Ukraynaya əlavə 2 milyard dollarlıq yardım paketi

Kanada Ukraynaya dəstəyini davam etdirir və yeni olaraq 2 milyard ABŞ dolları məbləğində yardım ayırıb.

BAKU.WS xəbər verir ki, bu barədə Kiyevdə səfərdə olan Kanada Baş naziri Mark Karni, Ukrayna Prezidenti Volodimir Zelenski ilə keçirdiyi birgə mətbuat konfransında açıqlama verib.

Onun sözlərinə görə, ayrılan vəsaitin 800 milyon dollarlıq hissəsi dərhal hərbi sursatların və pilotsuz uçuş aparatlarının təmin olunmasına yönəldiləcək.

Mark Karni həmçinin vurğulayıb ki, bu paket Kanadanın son yardımı deyil və dəstək davam etdiriləcək.