İstanbuldan Moskvaya uçan təyyarənin pilotlarına lazerlə müdaxilə olub

Rusiyaya məxsus sərnişin təyyarəsinin pilotları uçuş zamanı lazer şüası ilə müdaxiləyə məruz qalıb.

BAKU.WS xəbər verir ki, bu barədə "Aviaincident" teleqram kanalı məlumat yayıb.

Hadisə 20 aprel tarixində baş verib. "Airbus A321" tipli sərnişin təyyarəsi Türkiyənin İstanbul şəhərindən qalxaraq "Şeremetyevo" hava limanına istiqamətlənib.

Təyyarə Moskvanın 50 kilometr qərbində, 2 min metr hündürlükdə olarkən, naməlum şəxslər tərəfindən pilot kabinəsinə yaşıl lazer şüası yönəldilib.

Hadisəyə baxmayaraq, ekipaj uçuşu davam etdirib və təyyarə uğurla eniş edib.