İsraildə son 24 saatda 148 nəfər xəstəxanaya yerləşdirilib

Son 24 saat ərzində İran müharibəsində xəsarət alan 148 nəfər xəstəxanaya yerləşdirilib.

BAKU.WS xəbər verir ki, bu barədə "The Times of Israel" qəzeti məlumat yayıb.

Qeyd edilib ki, İsrail Səhiyyə Nazirliyinin məlumatına əsasən, son 24 saat ərzində İranla münaqişə nəticəsində 148 yaralı xəstəxanaya yerləşdirilib.

Bununla da döyüşlər nəticəsində xəstəxanaya yerləşdirilənlərin sayı 6500-ü keçib.

Son gün ərzində xəstəxanalarda müalicə alanlardan 4 nəfərin vəziyyəti orta, 108 nəfərin vəziyyəti isə kafi qiymətləndirilir.

Beş nəfər tibbi müayinədən keçir, 31 nəfər isə narahatlıq səbəbindən müalicə olunub.

Nazirlik onu da bildirib ki, İranla müharibənin 28 fevral tarixindən bəri xəstəxanalara 6594 nəfər yerləşdirilib, onlardan 124-ü hazırda xəstəxanadadır.