İsrail ordusuna 400 minədək ehtiyat hərbçi çağırmaq icazəsi verilib

İsrail hökuməti İran və "Hizbullah"a qarşı hərbi əməliyyatlar fonunda Müdafiə Ordusuna 400 minədək ehtiyatda olan hərbçini səfərbər etmək səlahiyyəti verib.

BAKU.WS-in The Times of Israel nəşrinə istinadən verdiyi məlumata görə, bu rəqəm faktiki çağırılacaq şəxslərin sayını deyil, operativ ehtiyaclara uyğun çevikliyi təmin edən maksimal limiti ifadə edir.

Bildirilib ki, daha əvvəl təsdiqlənmiş ehtiyat hərbçi limiti 280 min nəfər idi və bu göstərici 2025-ci ilin dekabrında müəyyənləşdirilmişdi.