İsrail Hizbullahın Beyrut yaxınlığındakı kəşfiyyat qərargahına 73 ton bomba atıb

İsrail Müdafiə Qüvvələri (SAXAL) oktyabrın 3-də Beyrutun cənub ətraflarında Livanda Hizbullah hərəkatının mərkəzi kəşfiyyat qərargahına 73 ton bomba atıb.

BAKU.WS TASS-a istinadən xəbər verir ki, zərbələr Hizbullahın Həsən Nəsrullahdan sonra gələn yeni baş katibi Haşim Safieddini məhv etmək məqsədi daşıya bilər. Daha əvvəl SAXAL sözçüsü Avihai Edri ordunun Hizbullahın Beyrutun cənub ətraflarında yerləşən mərkəzi kəşfiyyat qərargahına dəqiq zərbə endirdiyini təsdiqləyib.

Qeyd edək ki, sentyabrın 23-də İsrail Livanda Hizbullah bölmələrinə qarşı "Şimal oxları" əməliyyatına başlayıb və bu əməliyyat zamanı hərəkatın hərbi obyektlərinə kütləvi hava zərbələri endirir. Bildirilir ki, məqsəd on minlərlə sakinin ora qayıda bilməsi üçün İsrailin şimal sərhəd bölgələrində təhlükəsiz şərait yaratmaqdır.