İranda iğtişaşlarla bağlı 3 minə yaxın şəxs saxlanılıb

İranın hüquq-mühafizə orqanları kütləvi iğtişaşlarda iştirakda şübhəli bilinən təxminən 3 min nəfəri saxlayıb.

BAKU.WS xəbər verir ki, bu barədə "Tasnim" agentliyi məlumat yayıb.

Məlumata görə, İranda iğtişaşlar 29 dekabr tarixindən etibarən milli valyuta – rialın kəskin dəyər itirməsindən sonra başlanan küçə etirazları fonunda başlayıb və qısa müddətdə ölkənin əksər iri şəhərlərinə yayılıb. Rəsmi məlumatlara əsasən, hadisələr zamanı təxminən 40 hüquq-mühafizə orqanı əməkdaşı həlak olub.

İranın xarici işlər naziri Abbas Əraqçının sözlərinə görə, yanvarın 8-dən etibarən etiraz aksiyalarında silahlı terrorçu qrupların iştirak etdiyi müşahidə olunub.