İlon Maskın gəlirləri rekord həddə artıb - 270,3 milyard dollar

Amerikalı milyarder İlon Maskın sərvəti "Tesla" avtomobil şirkətinin səhmlərinin dəyərinin 22% artması sayəsində 33,5 milyard dollar artaraq 270,3 milyard dollara çatıb.

BAKU.WS xəbər verir ki, bu barədə "Bloomberg" agentliyi məlumat yayıb.

Agentliyin məlumatına görə, buna avtomobil istehsalçısının ötən ilin yayından bəri ən böyük rüblük mənfəəti və gələn il avtomobil satışlarının 30% artacağı proqnozu səbəb olub.

Üçüncü ildir ki, ən varlı amerikalılar siyahısına başçılıq edən Mask reytinqdə ikinci yerdə olan "Amazon"un banisi Ceff Bezosu 61 milyard dollar qabaqlayır.

Ötən gün "Tesla" səhmləri proqnozları əhəmiyyətli dərəcədə üstələyərək qiymətdə artıb. Şirkət çətin ikinci rübdən sonra özünü toparlaya bilib və "Wall Street"in hər səhmə görə gəlir gözləntilərini üstələyib. Beləliklə, səhm başına gəlir investorların proqnozlaşdırdığı $0,60-ı üstələyərək $0,72 təşkil edib.

Mask mətbuat konfransında şirkətin üçüncü rübdə nail olduğu rekord göstəricilərdən danışıb və "Tesla"nın dünyanın ən gəlirli şirkəti olacağına ümid etdiyini bildirib

Amerikalı milyarder 2022-ci ildə Twitter-i 44 milyard dollara alandan sonra sərvətinin bir hissəsini itirib. Lakin "Tesla"nın son uğurları onun zirvədəki mövqeyini möhkəmləndirib. Ekspertlər hesab edir ki, Maskın növbəti hədəfi dünyanın ilk trilioneri olmaqdır.