İlon Mask uçan avtomobilini təqdim etdi

İlon Maskın rəhbəri olduğu "Tesla" şirkəti özünün elektrikli idman avtomobili olan "Roadster"i təqdim edib. Nümayiş zamanı avtomobil bir maneənin üzərindən uçaraq keçib.

BAKU.WS Oxu.Az-a istinadən xəbər verir ki, təqdimatın görüntüləri "X" sosial şəbəkəsində paylaşılıb.

Avtomobil Texasdakı "SpaceX" sınaq poliqonunda nümayiş etdirilib. "Roadster" sıxılmış qaz püskürən reaktiv mühərrik sistemi ilə təchiz olunub. Bu sistem avtomobilin havada olarkən istiqamətinin idarə edilməsinə imkan verir.

View this post on Instagram

A post shared by @baku.ws_official

Təqdimat zamanı izləyicilərə avtomobilin sınaq görüntüləri göstərilib. Həmin görüntülərdə avtomobilin yerdən qalxdığı və öz oxu ətrafında fırlandığı əks olunub.

Bundan əlavə, "Roadster" 0-dan 100 km/saat sürətə 0.81 saniyəyə çatmaq qabiliyyətini nümayiş etdirib.

Avtomobilin kütləvi istehsalına 2028-ci ildə başlanması planlaşdırılır.