Husilər Nəcranda hava limanına və "Saudi Aramco"nun müəssisəsinə hücum ediblər

Yəmən husiləri Səudiyyə Ərəbistanının cənubundakı Nəcran şəhərində hava limanına və "Saudi Aramco" neft şirkətinin obyektinə hücum etdiklərini bildiriblər.

BAKU.WS "Report"a istinadən xəbər verir ki, bu barədə husilərlə əlaqəli "Al Masirah" telekanalı məlumat yayıb.

Bəyanatda bildirilib ki, husilər Nəcran hava limanı ərazisindəki "həssas" obyektlərə və "Saudi Aramco" obyektinə zərbələr endiriblər.

Səudiyyə Ərəbistanı hücum barədə məlumatı hələlik rəsmi olaraq təsdiqləməyib.