Hindistanda uçqunda 7 işçi həlak olub

Hindistanın Rajasthan əyalətində inşaat sahəsində aparılan qazıntı işləri zamanı baş vermiş uçqun nəticəsində 7 işçi torpaq altında qalaraq həyatını itirib.

BAKU.WS xəbər verir ki, Hindustan Times qəzeti məlumat yayıb. Bildirilib ki, Rajasthanın Bhivadi şəhərindəki inşaat sahəsində qazıntı işləri aparılarkən böyük torpaq kütləsi birdən çöküb.

Rəsmi şəxslər bildirib ki, torpaq altında qalan 7 işçi ölüb, yaralılar isə xəstəxanaya çatdırılıb.

Xilasetmə əməliyyatları davam edir və rəsmilər ölü sayının artma ehtimalını istisna etmirlər.