"Harri Potter"in ulduzu Emma Uotson filmlə bağlı Türkiyəyə gedir

"Harri Potter" serialı, "Gözəl və Çirkin" kimi bir çox ekran işlərində rol alan britaniyalı aktrisa Emma Uotson film görüşmələri üçün Türkiyəyə gəlir.

BAKU.WS Türkiyə KİV-ə istinadən xəbər verir ki, məşhur aktrisa iki gün İstanbul və Ankarada olacaq.

O, burada tarixi yerləri də ziyarət edəcək.

10 yaşından bəri böyük ekranda bir çox fərqli obrazları canlandıran Emma Uotson 2019-cu ildə "Kiçik Qadınlar" filmindən sonra aktyorluğa ara verdiyini açıqlayıb.

2022-ci ildə rejissorluğunu etdiyi "Prada Paradoksu" adlı qısametrajlı filmi ilə pərəstişkarlarının qarşısına çıxan Uotson aktyorluq əvəzinə rejissorluq və fərqli layihələrlə maraqlanmağa başlayıb.