"Game of Thrones"un canavarlarını diriltdilər - 12 min il əvvəl nəsli kəsilmişdi

ABŞ-nin biotexnologiya şirkəti "Colossal Biosciences" 12 min ildən çox əvvəl nəsli kəsilmiş qorxunc canavar növünü dirildib.

BAKU.WS xəbər verir ki, bu barədə "Bloomberg" agentliyi məlumat yayıb.

Nəşr qeyd edir ki, şirkət nəsli kəsilmiş heyvanların dirçəldilməsi missiyasında irəliləyiş əldə edib.

"Colossal Biosciences" şirkəti "Game of Thrones" serialı ilə məşhurlaşan üç canavar yaradıb.

Bildirilir ki, bu növə 12 min ildən artıqdır ki, Yer kürəsində rast gəlinmir.

Bu layihəni həyata keçirmək üçün şirkət 72.000 illik kəllə, 13.000 illik diş və boz canavar hüceyrələrindən DNT nümunələrindən istifadə edib.     

Fərdlərin təxminən 63,5 kq ağırlığında olacağı gözlənilir. Cəmi üç canavar - iki erkək və bir dişi doğulub.

Qardaşlar, Romulus və Remus, dişi isə "Game of Thrones" personajından sonra Khaleesi adlandırılıb.