Dünyaca tanınan müğənni kosmosa UÇACAQ

Amerikalı pop ulduzu Katy Perry Blue Origin şirkətinin təşkil etdiyi və yalnız qadınlardan ibarət olan kosmik uçuşa qatılacaq.
BAKU.WS xəbər verir ki, bu barədə sosial şəbəkələrdə məlumat paylaşılıb.
Müğənniyə bu səyahətdə Ceff Bezosun nişanlısı Lauren Sançez, CBS aparıcısı Qeyl Kinq, keçmiş NASA alimi Aişa Bowe, vətəndaş hüquqları aktivisti Amanda Nquyen və rejissor Keriann Flinn yoldaşlıq edəcək.
Bu missiya, 1963-cü ildə Valentina Tereşkovanın uçuşundan sonra ilk tamamilə qadınlardan ibarət kosmik səyahət olacaq. Uçuşun bahar aylarında baş tutacağı gözlənilir.
Səyahət 11 dəqiqə davam edəcək və New Shepard raketi ilə həyata keçiriləcək. Raket pilotsuz olacaq və sərnişinlər Kármán xəttini keçərək kosmosa çıxacaqlar.
Lauren Sançez bu uçuşun təşəbbüskarı olduğunu bildirib və missiyanın qadınlar üçün yeni bir yol açacağını vurğulayıb.
Blue Origin indiyədək Ceff Bezos, Maykl Strehan və Vilyam Şatner kimi məşhurları kosmosa aparıb. Elon Musk isə hələlik belə bir səyahət etməyib.
Oxşar xəbərlər
Türkiyədə 300-dən çox adam dönərdən zəhərləndi
Türkiyənin Kocaeli şəhərində dönərdən kütləvi zəhərlənmə olub. BAKU.WS Türkiyə KİV-ə istinadən xəbər verir ki, Körfez məhəlləsi Atatürk küçəsində yerləşən rest...
